意粉 360 (Closed)

話說與讀書時期很close的朋友差不多2年沒見，便相約她一起吃tea，由於她住屯門而我亦不想去市區，便約她到屯門的餐廳tea一tea!友人選了這間意粉屋旗下的餐廳，貪佢食物水準較穩定~由於我不太肚餓，便點了甜點作下午茶~焗榛子果仁酥皮撻配雪糕 ($38)酥皮撻送來時，可見榛子寥寥可數，與圖片相距甚遠，但當時的我也掛著談天，對於賣相也就不了了之，但今天寫食評，望望menu，再望望我幅相，真係相差好遠，離譜至極! 至於味道，味就係一般酥皮既味，收得$38 仲要10% 服務費，可唔可以有誠意少少呀!!!友人點的煙三文魚意式軟包配格格脆薯($46)友人話煙三文魚得一塊咋，可幸雞蛋等平價食材都無縮水，算係咁la~我哋同樣轉了特飲(加$15)為雪糕宇治抹茶紅豆冰，賣相幾靚，不過杯紅豆冰唔夠凍，雪糕仲好溶添，抹茶味都唔係好覺，講真味道麻麻~最後我哋坐左只係半個鐘到，食哂野就走，去行街好過喇!!