雞翼山 (T.O.P This is Our Place)

Open Now

Now Closed

【鷄翼山】岩岩開既時候已經成日去幫襯，有時候口痕都會想去食。最近就去左堂食，試下幾款新味同佢既一人餐。 鷄翼12件：12件鷄翼套餐可以選擇3個味，我地就選擇左佢地經典既文青風玫瑰、未試過既泰式冬陰功酸辣同宮崎南蠻他他。個人最鍾意泰式冬陰功酸辣味，因爲好惹味、調味岩岩好，唔會太鹹、太辣同太酸，好開胃。其次係經典既文青風玫瑰甜甜帶少少玫瑰味，不過宮崎南蠻他他就一般，只不過係原味鷄翼+他他醬，無咩特別。另外包飲品一罐。 一人餐C：包括2件原味/玫瑰鷄翼，鰻魚天婦羅同明太子無骨鷄croffle， 另外包飲品一罐。鰻魚天婦炸得好脆，不過個人覺得有少少腥。明太子無骨鷄croffle大推，croffle好香、外脆内軟，另外加左菠蘿，甜甜鹹鹹同埋好juicy。