Video
Read full review
2020-03-19
1074 views
呢日朋友又返長沙灣，我哋就搵個中間位食晏，去咗美居中心嗰邊。之前我上網見到嗰頭有間新開嘅餐廳仔，於是就去試下。原來餐廳喺甜品舖陣離，唔算好起眼👀。一入到去疑似老闆娘就為我哋送上熱茶🍵，而且仲畀紙巾我哋包口罩，勁細心😊。枱面仲有大大支消毒搓手液，注重衛生之舉，抵讚。餐廳環境一眼睇哂，細細間，廚房佔咗一半面積，所以只係放到三四張枱。枱之間比較迫，不過每張枱都好大，夠四個人坐，可以放好多食物😂。店內環境衛生OK，但出面係車房等商舖，有時會有昆蟲仔飛過...。睇番餐牌，小店無特別做午市，但就有提供全日便當🍱，好抵食下；除咗鰻魚飯外，全部都係$50樓下有交易！另外，仲有賣唔少日式小食，價格亦都好相宜。我要咗🐮牛屋三色便當($50)，第一次嚟梗係要試下招牌便當啦。造型雖然唔係以便當盒咁送上，但都好吸引！首先，便當Set有跟兩碟小食／小菜，兩樣都好有誠意。其中一碟係有一片玉子同魚蛋加蘿蔔醃漬，🥚玉子雖然好薄，但有得食，已經好開心。另一碟唔係沙律菜，而係煮熟咗嘅菜(仲搭嚿芋絲)，應該係用壽喜燒湯底煮🤤，有別於平時，幾正。講返碟三色牛飯，果然係有三款牛肉🐂，包括牛肉碎、慢煮牛肉(中間有少少粉紅色嗰種)同
呢日朋友又返長沙灣，我哋就搵個中間位食晏，去咗美居中心嗰邊。之前我上網見到嗰頭有間新開嘅餐廳仔，於是就去試下。原來餐廳喺甜品舖陣離，唔算好起眼👀。
一入到去疑似老闆娘就為我哋送上熱茶🍵，而且仲畀紙巾我哋包口罩，勁細心😊。枱面仲有大大支消毒搓手液，注重衛生之舉，抵讚。
餐廳環境一眼睇哂，細細間，廚房佔咗一半面積，所以只係放到三四張枱。枱之間比較迫，不過每張枱都好大，夠四個人坐，可以放好多食物😂。店內環境衛生OK，但出面係車房等商舖，有時會有昆蟲仔飛過...。
睇番餐牌，小店無特別做午市，但就有提供全日便當🍱，好抵食下；除咗鰻魚飯外，全部都係$50樓下有交易！另外，仲有賣唔少日式小食，價格亦都好相宜。
牛屋三色便當
$50
52 views
0 likes
0 comments
我要咗🐮牛屋三色便當($50)，第一次嚟梗係要試下招牌便當啦。造型雖然唔係以便當盒咁送上，但都好吸引！首先，便當Set有跟兩碟小食／小菜，兩樣都好有誠意。其中一碟係有一片玉子同魚蛋加蘿蔔醃漬，🥚玉子雖然好薄，但有得食，已經好開心。另一碟唔係沙律菜，而係煮熟咗嘅菜(仲搭嚿芋絲)，應該係用壽喜燒湯底煮🤤，有別於平時，幾正。
牛屋三色便當
$50
61 views
0 likes
0 comments
講返碟三色牛飯，果然係有三款牛肉🐂，包括牛肉碎、慢煮牛肉(中間有少少粉紅色嗰種)同汁燒牛肉。雖然牛肉比較薄身，但都有幾多片，而且每款亦幾好味；撈勻啲牛肉碎伴飯食好正，有少少似台式肉燥飯。成個飯一啲都唔Dry，因為夠哂汁。
Special便當
$45
72 views
0 likes
0 comments
Special便當
$45
26 views
0 likes
0 comments
🥩Special便當($45)，原來呢期係做緊日式漢堡扒，我對呢樣食物興趣非常低，自己一定唔會嗌，但朋友叫到又會胃食想試一啖🙈。點知發現呢到嘅漢堡扒好高質喎！首先漢堡扒夠厚、夠大塊，咁先好嚼口。第二漢堡扒上面落咗好多沙律醬，加埋燒汁，成個調味令人胃口大開😋。第三就係漢堡扒肉味濃郁，唔會食完都唔知食咗啲乜。我下次自己食會叫呢款囉！
37 views
0 likes
0 comments
總括嚟講，依間小店嘅出品好掂，兩個便當都好好食，而且仲好抵食👍，滿分推介💯。我估計呢間舖應該係由兩公婆經營，老公負責廚房、老婆負責樓面。佢哋以客人為本，會主動問我哋駛咪加飯／少飯；而且老闆娘仲好好人，話如果下次我哋有時間慢慢坐嘅話，請我哋食甜品🍮。我相信真係小店先感受到呢種人情味。我一定會多啲嚟幫襯！
Post
