新鹿鳴居

Open Now

Now Closed

同女朋友四圍行睇吓食乜好，見到呢間潮洲菜人頭湧湧，應該都唔錯，加上好耐冇打冷，一於試吓。味菜炒鵝腸,睇落去細細碟賣相普通，但鵝腸一食就知超晒班！炒嘅時間啱啱好，爽嘅！而且肯定係新鮮鵝腸，嗰種甘香超正！飲住杯啤酒真係一流。酥炸大腸，一樣啦賣相都係麻麻地，但食落脆到不得之了，仲要冇出油！我會形容為超班！炸蠔餅，打冷必叫啦！蠔餅鬆化，入邊蠔仔又多又新鮮，而且處理得好好，鮮味十足，正滷水鵝拼墨魚，好驚喜成隻鵝脾上咗嚟，多口問佢係咪次次都有脾，夥計話要睇吓師傅開到邊！咁我哋今日真係好彩啦！兩種滷水菜都比一般滷水專賣店出色。咁餐真係滋味！住咗喺度咁耐咁遲先發掘到呢間餐廳真失敗。應該好快我哋再會嚟食過。