快樂餅店 (Moved) New Location

快樂餅店係一間好傳統舊式餅店，冇咩北海道3.6牛乳之類嘅 gimmick。佢賣嘅都係好普通嘅包餅，實而不華。我買左一個忌廉筒，一個紅豆沙翁，同埋一包兩件蝴蝶酥，埋單三十二蚊。 忌廉筒酥脆鬆化 ，實屬難得 ，忌廉方面就麻麻地。 沙翁炸得啱啱好， 唔會咬落成口油 ，豆沙餡裝得滿一滿，非常好。 蝴蝶酥鬆脆不在話下， 食物富有牛油香味，仲帶有少許甜味點綴。個人認為佢比坊間好多賣緊幾百蚊一盒嘅蝴蝶酥仲要好食。