Video
Read full review
2014-11-09
1340 views
未進酒樓，在門外已有一種殘舊的感覺，心想又俾人「水」左，但經過了短短兩小時的一頓晚飯後，小妹的看法卻有了180度的改變。論裝潢，這裡的確比不上很多現時新派以辦婚宴為主既酒家，可能係咁，跟呢度既服務同食物水準反差更大，登時更直覺要給予一個 簡單D講，感覺就好似你見到個好似八兩金既人，點知佢一開口上至天文下至地理歷史政治都通曉，最終俾佢「實而不華」既靈魂所感動。湯水係中國人至愛，有益又補身，不過媽咪話街外既湯水應可免則免，因為味精多過料。寶湖輕易打破了這說法，因為呢個鮮鮑花膠黃豆燉排骨湯，唔鹹之餘，仲有肉既鮮甜味，仲有大大片花膠同細細隻鮑魚，用料之足，未飲都已經覺得好補呀 然後係藍莓醬蝦球，蝦球好彈牙，應該係製蝦膠工序做得好，蝦拭乾得夠徹底，拍扁、攪拌、撻的過程都係力既表現，蝦膠完成。配上酸酸的藍莓醬，有西菜的味道與感覺。但最令人難忘的是拌碟的那一片曲奇，牛油味香又夠鬆化，差D就想問曲奇係邊度買得到…鮮果咕嚕荔枝肉，呢個菜真係不得了，醬汁酸甜適中，肉鬆得黎又有咬口，當時，心想平時咕嚕肉既炸排骨既肉好實架，點解佢會咁鬆架呢…原來用既肉唔係排骨而係琢豬肉然後再以油炸 百花煎釀龍躉，這個菜
湯水係中國人至愛，有益又補身，不過媽咪話街外既湯水應可免則免，因為味精多過料。寶湖輕易打破了這說法，因為呢個鮮鮑花膠黃豆燉排骨湯，唔鹹之餘，仲有肉既鮮甜味，仲有大大片花膠同細細隻鮑魚，用料之足，未飲都已經覺得好補呀
然後係藍莓醬蝦球，蝦球好彈牙，應該係製蝦膠工序做得好，蝦拭乾得夠徹底，拍扁、攪拌、撻的過程都係力既表現，蝦膠完成。配上酸酸的藍莓醬，有西菜的味道與感覺。但最令人難忘的是拌碟的那一片曲奇，牛油味香又夠鬆化，差D就想問曲奇係邊度買得到…
鮮果咕嚕荔枝肉，呢個菜真係不得了，醬汁酸甜適中，肉鬆得黎又有咬口，當時，心想平時咕嚕肉既炸排骨既肉好實架，點解佢會咁鬆架呢…原來用既肉唔係排骨而係琢豬肉然後再以油炸
百花煎釀龍躉，這個菜色有兩層口感同味道，上層係爽口而彈牙既蝦膠，下層係新鮮而嫩滑既龍躉肉，整個菜色煎得金黃香脆，加上蝦頭蝦尾拌碟，哈，真係好似一隻肥厚既蝦啊~~~可惜的是蝦頭係預早炸好既，因此已涼了，未能連帶一起品嚐…
窩燒無錫骨，嘩，好多肥膏呀~~~其實肥先至最香最好食，可惜所有好食既都對健康冇益，偶爾嚐一口還好吧…醬汁中用以'調'味的係冰糖，而非平日的砂糖，令醬汁更濃香，無錫骨燜得又軟又鬆，入口後膠質豐富，oishii
霸重觀海，非常霸氣的名字。究竟食落係咪一樣霸氣??我可以答絕對係!!狀甚似賽螃蟹既霸重觀海，以蛋白加入蟹絲，既鮮且嫩，唔使加入蛋黃味道都已經夠突出，而且炒到一層一層咁，點一點鎮江醋，嘆為觀止
經已來到一席飲宴用於塞飽你個肚既 '雞'，可是這寶湖蔥油雞卻係一個即使你覺得飽都要試食一兩件既菜色。為求健康，小妹一直少吃雞皮，但如果你唔食雞皮又唔會知道神秘既吸引力之源，寫道皮脆肉嫩肥瘦適中好像有點 '行'，可是這卻是事實，而且調味出色，據說醬汁內有逾十款不同材料，甜甜鹹鹹加上蒜味又唔會搶走原先既蔥油味，值得一試再試。
彩虹炒飯，紅米、白米、黃瓜、提子乾，煙煙韌韌又夠乾身，尚算不俗，可惜食呢度已經有飽肚既感覺，只好隨便吃兩口。
WOW，萬眾期待的…原隻椰皇燉鮮奶，又滑又嫩，椰皇味香濃，食完頓覺皮膚滑溜了、透白了(雖然體重都立即增加了)…I LOVE IT! 仲要只賣$38一個，連加一都不過係$42，真係連糖水店都食唔到呀~~~
唔講唔知原來寶湖金宴同中環既北園酒家係同一集團架，平日係北園LUNCH，嘆下一盎兩件已經覺得呢間酒家用料足又好食，果然呢個集團旗下既食店都係實力非凡。
Post
