Video
Read full review
2024-10-21
1845 views
連續多年榮獲米芝蓮一星嘅法國菜，今晚一試，感受到每道菜式滿滿嘅心思同高質素，充滿視覺同味覺嘅享受，的確實至名歸。 - ÉPURE dinner set -✨先來餐前麵包，有法式百吉包同黑椒芝士牛角酥。大愛後者，相信係我食過最好食嘅牛角包，用上cottagecheese，熱辣辣、口感酥脆可口，再搽上特製海帶鹽味牛油，非常美味。✨Comté and truffle beignet vin jaune芝士松露貝涅餅貝涅餅外脆內軟，一口咬落係濃厚嘅芝士松露流心醬，鹹香味係口腔迴盪。✨Shima ebi with shiitake and guanciale 縞海老配香菇風乾豬頰肉脆撻上放上鮮味縞海老同風乾豬頰肉，面層再有濃郁炸香菇絲，口感同味道都好豐富，非常深刻嘅菜式。✨Sea urchin with Jerusalem artichoke and nori 海膽配雅枝竹以黑醋啫喱包裹鮮味甘甜海膽及雅枝竹，底層製成薄脆層，中間再加入紫蘇葉提升層次感。✨Shima aji with dill and caviar 池魚配魚子醬薄切池魚刺身鮮嫩肥美、甘香細膩，面頭配上日本秋月梨脆片同鮮味魚子醬。醬
- ÉPURE dinner set -
✨先來餐前麵包，有法式百吉包同黑椒芝士牛角酥。大愛後者，相信係我食過最好食嘅牛角包，用上cottagecheese，熱辣辣、口感酥脆可口，再搽上特製海帶鹽味牛油，非常美味。
✨Comté and truffle beignet vin jaune芝士松露貝涅餅
貝涅餅外脆內軟，一口咬落係濃厚嘅芝士松露流心醬，鹹香味係口腔迴盪。
✨Shima ebi with shiitake and guanciale 縞海老配香菇風乾豬頰肉
脆撻上放上鮮味縞海老同風乾豬頰肉，面層再有濃郁炸香菇絲，口感同味道都好豐富，非常深刻嘅菜式。
✨Sea urchin with Jerusalem artichoke and nori 海膽配雅枝竹
以黑醋啫喱包裹鮮味甘甜海膽及雅枝竹，底層製成薄脆層，中間再加入紫蘇葉提升層次感。
✨Shima aji with dill and caviar 池魚配魚子醬
薄切池魚刺身鮮嫩肥美、甘香細膩，面頭配上日本秋月梨脆片同鮮味魚子醬。醬汁則以青蘋果同刁草製成，清爽酸甜，開胃醒神。
✨Maine scallop with fish roe and sauce marinière 緬因帶子配魚子
珍寶緬因帶子肥美，表層煎至金黃，肉質保持非常鮮嫩。伴以三文魚籽及魚子醬，最後加入忌廉醬汁，回味無窮。
✨Langoustine with savoy cabbage and vin jaune 蘇格蘭海螯蝦
鮮味彈牙海螯蝦上舖著以自家製煙韌雲吞皮。雲吞皮黃黑相間，黑色嘅係混和左墨魚汁。最後再加上黃酒泡泡醬汁。更加香濃。
✨Pigeon with beetroot and magaw pepper 乳鴿配紅菜頭馬告山胡椒
以兩種方式烹調，分別係香烤乳鴿胸同油封乳鴿腿。乳鴿大約五成熟會呈現最佳口感。前者皮脆肉嫩，後者更甘香，肉汁豐富。蘸上馬告山胡椒紅菜頭醬汁更有特色。再以乳鴿熬湯，香濃甘香。
✨Sorbet
以青檸同青瓜整成雪葩，口感冰凍清新，食完主食後可以令味蕾清新一下。
✨Tiramisu / 法式美點
Tiramisu外層係蛋白脆餅，裡面有朱古力咖啡味雪糕、蛋糕、豆蔻啫喱，仲有爆炸糖，爆炸糖，有別於一般tiramisu，又唔會太甜，好特別。
馬鞭草啫喱檸檬焦糖撻，中間係吉士醬餡料，香滑又清新。
Post
