Amour Garden Grill & Bar (Closed)

旺角多左樓上餐廳, 聽朋友講呢度靜靜地, 唔洗同你逼, 野食都唔錯, 所以就嚟左試下。藍莓奶昔好香滑, 藍莓味天然, 唔會太甜!焦糖朱古力有焦糖香同朱古力味, 亦唔過甜, 都唔錯。磨菇湯好滑, 唔會太杰, 入口唔膩, 菇味亦好濃郁!沙律好大碟, 新鮮爽脆, 連埋芝麻醬, 更香更惹味。雞翼好重蒜蓉味, 蜜糖味就比較淡, 唔會好甜, 不過外層再脆啲就好啦。意大利飯粒粒分明, 好有咬口, 忌廉味香濃, 菌香迷人, 煙三文魚油潤軟滑, 唔錯!雞都幾大隻, 但唔夠滑嫩, 而且冇黑松露同芝士既味, 一般而已。結尾用簡單既木糠布丁作結, 質地實左啲, 軟滑啲會更好。呢度環境唔錯, 有歌聽, 仲有飛鏢玩, 系朋友聚餐既好地方。