Video
Read full review
2018-08-29
114 views
日日返工咁辛苦為咩，木嘴每一日返工都有呢個諗法，每日都千萬個不願意起身返工。有一日當木嘴行屍走肉緊做緊walking dead既時候，忽然一個沉到落底既whatsapp group浮番上黎「喂，出黎食飯喇」，好似阿媽催食飯咁既語句，簡單直接，睇到呢句既我嘴角不自覺上揚，係喎，返工咁辛苦為咩，咪就係為左收工同朋友食飯囉！呢間Cafe唔係木嘴揀，入到去裡面唔算好大，有3，4個卡位同另外2，3張檯，嗰日我地8點去到既時候只有2檯客，但咁樣正好適合我地幾個人一齊傾計同玩下board game，大聲d講野都唔會俾人啤啤貢。board game種類唔算太多，不過大路既例如Pictionary，大富翁，狼人，挖金等等呢度都有。不過我地玩左兩玩就無興致再玩，拎起手機上戰場，食番舖雞仲好，宅女宅男係咁，無計。本來就對呢類cafe既食物無乜期待，無期望就唔會失望永遠係至理名言，所以都無特別去揀食啲咩，求其揀左個party B就算。Party B套餐包左左兩款飲品(仲要有得任飲)我哋就揀左金桔檸檬同荔枝紅茶，兩種最無伏既飲品。呢類懶係台式既飲品最怕佢有陣藥水味，不過飲落有驚喜！金桔檸檬係新鮮水果嗰種酸味，絕
呢間Cafe唔係木嘴揀，入到去裡面唔算好大，有3，4個卡位同另外2，3張檯，嗰日我地8點去到既時候只有2檯客，但咁樣正好適合我地幾個人一齊傾計同玩下board game，大聲d講野都唔會俾人啤啤貢。board game種類唔算太多，不過大路既例如Pictionary，大富翁，狼人，挖金等等呢度都有。不過我地玩左兩玩就無興致再玩，拎起手機上戰場，食番舖雞仲好，宅女宅男係咁，無計。
本來就對呢類cafe既食物無乜期待，無期望就唔會失望永遠係至理名言，所以都無特別去揀食啲咩，求其揀左個party B就算。
Party B套餐包左左兩款飲品(仲要有得任飲)我哋就揀左金桔檸檬同荔枝紅茶，兩種最無伏既飲品。呢類懶係台式既飲品最怕佢有陣藥水味，不過飲落有驚喜！金桔檸檬係新鮮水果嗰種酸味，絕對唔係某某牌子倒出黎又或者係濃縮糖漿開水嗰隻，而荔枝紅茶亦有好濃既荔枝味，估佢唔到。
荔枝紅茶，金吉檸檬
7 views
0 likes
0 comments
之後就黎左個田園沙律（配芝麻醬），都算幾足料
不過如果提供埋匙羹就好喇，粟米粒好難食得到，差d要好似狗咁用脷瀨。
無得輸芝士薯條
7 views
0 likes
0 comments
芝士汁焗蔬菜
9 views
0 likes
0 comments
侍應好好咁提我哋要趁熱食，至於係咪「無得輸」...係就係好食，但做人切忌太有自信，humble d好。
7 views
0 likes
0 comments
小食拼盤方面，有吉列炸蝦，雞肉串，咖哩角，蒜香雞翼，墨魚餅同豬頸肉，大半都係半成品再炸起所以都無話好食唔好食，唯一要講下係個豬頸肉好似仲有啲豬肉腥味。
終於去到主菜
白汁香蒜蜆肉意粉
12 views
0 likes
0 comments
佢既蒜味比起某米線舖既蒜泥白肉有過之而無不及
仲好有口感，試真啲，原來裡面加左炸蒜，鍾意食蒜既朋友真係唔好錯過！
不過第二道主菜，黑松露海鮮意大利飯相比之下就差好多喇，海鮮用雪藏貨就梗架喇，不過D食材好似無融合埋一齊咁飯還飯一隻味，海鮮有海鮮自己一隻味，最重要就係，說好的黑松露呢？？？完全食唔出。
黑松露海鮮意大利飯
6 views
0 likes
0 comments
好耐無去過Cafe食野，其實醉翁之意不在酒，有幾多人去cafe真係為左食好西架。而呢間cafe座位舒服，價錢唔會特別貴之餘仲有得無限refill飲品，嘢食又中上，夠晒啦。
Post
