Hosea

Open Now

Now Closed

好友放假想外出走走放鬆一下，今次揀咗好耐冇去嘅九龍城，經過見到有間西餐廳 "Hosea" ，感覺寧靜、悠閑，就坐低慢慢食傾下偈啦！Cafe 簡約設計，以素色木系為主，食物質素高，坐得舒服，心情亦放鬆及平和。睇吓餐牌先，Set Lunch 都有好多選擇，有紐西蘭西冷扒、紅酒燴牛尾、香煎盲曹魚、海鮮燴扁意粉、香焗豬柳、牛油果薄餅、芝士菠菜雲吞扭扭粉等等，跟餐包括頭盤、主菜、飲品，款式都唔錯，而另外仲可以係主餐牌內加$30揀沙律或餐湯及飲品。香煎盲曹柳配時蔬。檸檬牛油汁    $178盲曹魚煎得剛剛好，魚皮仲係脆脆的，魚肉好嫩，調味剛剛好，真係沒有什麼可以挑剔啦，配上檸檬牛油汁，更能提升層次感，味道更豐富，蔬菜爽脆多汁，燒烤後更香濃。香焗焦糖菠蘿英國嫩豬柳    $158豬柳以焗嘅方式炮製，酥脆外層同時鎖住肉汁，肉質軟嫩，沾上自家製醬汁，層次感提升。而菠蘿烤到焦香，清甜多汁，薯格炸得香脆，配合烤過嘅蔬菜，更惹味。今日餐湯係磨菇湯，質地好幼滑，散發淡淡磨菇香氣，口感creamy。蟹柳沙律，擺盤精美，生菜新鮮爽口，黑醋汁開胃，蟹柳同粟米與沙律一齊拌勻，口感豐富，清甜爽脆。冷泡茶，味道有點似烏龍茶