Video
Read full review
2017-04-16
1695 views
第二次到訪茶作，因為想再感受呢到既寫意，除此之外仲想完成書架上果本上次未讀完既書。位於工廈，小小一間茶室，寧靜舒適，相信開一間甘既茶館，係好多人既夢想。桔普 Orange Puerh $78點左一個出面好少飲到既桔普，製作過程係將桔仔既肉掏空，再放滿普洱茶葉，然後曬乾再久存。雖然繁複，但味道好有層次。茶壺入面可以見到一啲老身陳皮同普洱，聞到茶香又夾雜果香。呢到好細心地有個駱駝牌懷舊保溫壺係每張枱，裡面注滿熱水，方便沖茶。桔普味道入口先飲到普洱既濃香，甘甘地，尾調有陳皮果味，入到喉嚨有種清涼既感覺，好有層次。龍井 Dragon Well $78朋友點既龍井屬於綠茶，比我既桔普感覺更清幽。同樣地都奉送店家自製既腰果糖，同鐵觀音花生糖，好有誠意。龍井綠茶，望落特別清雅，入口亦係清新，回甘。店員話綠茶唔需要用水焗好耐，只要用熱水過一過就可以飲。法式豬仔包 配碎蛋沙律 $35除左中國茶，呢到仲有幾款法式豬仔包。點解叫法式？因為佢個口感食落真係好似法包，特別鬆化，仲好脆。裡面有滿滿既蛋沙律，食落有蛋黃香外，仲有香草同胡椒味。玫瑰花。65%朱古力Gelato 配窩夫 $72配搭十分豐富既窩夫，可以自
位於工廈，小小一間茶室，寧靜舒適，相信開一間甘既茶館，係好多人既夢想。
桔普 Orange Puerh $78點左一個出面好少飲到既桔普，製作過程係將桔仔既肉掏空，再放滿普洱茶葉，然後曬乾再久存。雖然繁複，但味道好有層次。
茶壺入面可以見到一啲老身陳皮同普洱，聞到茶香又夾雜果香。
呢到好細心地有個駱駝牌懷舊保溫壺係每張枱，裡面注滿熱水，方便沖茶。
桔普味道入口先飲到普洱既濃香，甘甘地，尾調有陳皮果味，入到喉嚨有種清涼既感覺，好有層次。
龍井 Dragon Well $78朋友點既龍井屬於綠茶，比我既桔普感覺更清幽。同樣地都奉送店家自製既腰果糖，同鐵觀音花生糖，好有誠意。
龍井綠茶，望落特別清雅，入口亦係清新，回甘。店員話綠茶唔需要用水焗好耐，只要用熱水過一過就可以飲。
法式豬仔包 配碎蛋沙律 $35除左中國茶，呢到仲有幾款法式豬仔包。點解叫法式？因為佢個口感食落真係好似法包，特別鬆化，仲好脆。
裡面有滿滿既蛋沙律，食落有蛋黃香外，仲有香草同胡椒味。
玫瑰花。65%朱古力Gelato 配窩夫 $72配搭十分豐富既窩夫，可以自選兩球雪糕。
玫瑰花味：好impress, 個玫瑰味清得黎又香又甜。
65%朱古力：好濃朱古力味， 同窩夫一齊食好夾。
配料有果仁，紅豆，忌廉，棉花糖，朱古力醬，曲奇餅碎，一次過食到多種味道，如果味道可以更協調，會更好。
寧靜的下午，聽住悠揚音樂，茗茶睇書，呢個就係我理想既周日活動。
Post
