Plato Cafe & Bistro (裕民坊YM²)

我地好快就選擇左精選二人套餐，見到個餐包左好多野好似低食D咁。 之後就黎左個是日餐湯，係英式薯仔湯飲到薯仔蓉，個湯好開胃都幾好飲既。 酸忌廉凐肉薯條，薯條每條都好脆口，條條都金黃色新鮮炸起但又唔會好油淋淋咁。同外面M記比較後薯條質素有明顯分別，覺得比較香口。上面配有鹹香煙肉，鹹鹹香香配忌廉一齊食無咁油膩外仲好配合。 北海道帶子松露野菌意粉，三粒香煎帶子好香口軟滑。松露野菌意粉好Creamy意粉爽口分明唔會太油膩。 澳州肉眼牛肉質扒 (3成熟) ，牛扒黎到都幾大同幾厚。食落有肉味同容易切開。芝士蛋糕，唔會太甜但有濃濃芝士味，芝士蛋糕唔會硬應該都係新鮮製造。分別叫左蜂蜜柚子茶同英式奶茶，正正常常，食野有杯飲品飲下清清口腔。