鮨定山

Open Now

Now Closed

假期上環餐廳好少開，所以比較少去上環食，但今次係朋友介紹話一定要試下呢間omakase!!!環境寧靜舒適，一間房serve兩組客人，店員亦好主動叫我放隨身紙袋及遮交俾佢放好。$788+10% 十款壽司同甜品，相對午餐omakase都算ok，當然其他餐廳有平啲啦。壽司裡面，好鐘意有款太卷，入面有瀨尿蝦、蝦、魚生、蛋等等，望住師傅卷起咁多材料都咁輕鬆，好似睇表演咁。👏👏👏其他魚生壽司，味道濃郁。反而前菜嘅八爪魚片，經過醃製過，食落去有啲似鮑魚。另外配菜任添嘅竟然唔係生薑，而係酸蘿蔔淮山等等，好有清喉嚨嘅作用😋😋😋甜品一定要食，絕配嘅綠茶同紅豆仲要加埋糯米糍，味道一流。