Video
Read full review
2018-10-27
66 views
朋友話要同我慶祝生日，揀左呢間cafe同我食飯，去到感覺都唔錯，環境都好舒服。首先小食叫左呢個蒜大蝦，佢係用橄欖油爆香蒜片再煎大蝦，成個鐵兜熱辣辣咁上枱，大蝦好新鮮好爽口，d油炸到d蒜片脆卜卜，夾埋大蝦一齊食唔會有嗰陣蒜辣味出現。呢個雞翼炸到外脆內滑，炸完都仲好有肉汁，唔會炸到好乾，唔錯。呢個香辣豬頸肉配墨西哥餅豬頸肉半肥瘦咁好有口感，好冧身容易咬開，配埋牛油果醬同薄餅夾埋黎食好好味。因為我好鐘意食豬肉關係，朋友都就哂我想叫乜叫乜，所以就試埋呢個加拿大保濕豬扒，食得出豬扒佢預先醃過，一食落口時豬扒好入味，而且佢都係好冧身，完全無乾爭爭既感覺。呢個係瑪格麗塔pizza，pizza就無乜特別，不過佢就落左好多好多芝士，所以感覺會好正！呢杯雙重朱古力沙冰一定要推介！真係好好飲，好重朱古力味，就算沙冰溶哂，依然都仲飲到朱古力，好好飲！
首先小食叫左呢個蒜大蝦，佢係用橄欖油爆香蒜片再煎大蝦，成個鐵兜熱辣辣咁上枱，大蝦好新鮮好爽口，d油炸到d蒜片脆卜卜，夾埋大蝦一齊食唔會有嗰陣蒜辣味出現。
呢個雞翼炸到外脆內滑，炸完都仲好有肉汁，唔會炸到好乾，唔錯。
呢個香辣豬頸肉配墨西哥餅豬頸肉半肥瘦咁好有口感，好冧身容易咬開，配埋牛油果醬同薄餅夾埋黎食好好味。
因為我好鐘意食豬肉關係，朋友都就哂我想叫乜叫乜，所以就試埋呢個加拿大保濕豬扒，食得出豬扒佢預先醃過，一食落口時豬扒好入味，而且佢都係好冧身，完全無乾爭爭既感覺。
呢個係瑪格麗塔pizza，pizza就無乜特別，不過佢就落左好多好多芝士，所以感覺會好正！
呢杯雙重朱古力沙冰一定要推介！真係好好飲，好重朱古力味，就算沙冰溶哂，依然都仲飲到朱古力，好好飲！
Post
