香港郵意明信片航海主題咖啡廳 (Moved) New Location

今日放假，去左做文青。呢間以郵票，航海為主題既餐廳好有文化氣息。間餐廳雖然好似好偏僻，但入到去真係另一個世界。郵票，明信片佈滿曬餐廳，仲有兩隻貓大佬睇住個場，好威猛。叫左個hi tea set黎食。好抵食，下層係三文魚沙律。三文魚好滑，新鮮既，口感彈牙，唔係爛曬個種。仲有個創意既煙肉黑松露餅乾仔。呢個好味，餅乾本身有陣香味，食既時候唔會好乾，加埋煙肉既水份同鹹甜味，成個餅乾好好味，口感豐富。好多個蛋糕仔慢慢品嚐，睇住隻貓自由自在行黎行去，又有免費刊物慢慢睇，呢個星期二真係充滿文青氣息。芝士蛋糕係我最鍾意既蛋糕，蛋糕口感細膩，唔會濟。除左芝士，仲有陣淡淡既香味。整得唔錯。最後再品嚐靚靚既馬卡龍。馬卡龍整得鬆軟，咬落中間鬆軟，好似空氣pancake既感覺。味道都好真實，唔會膠。幾抵食，唔貴。食得好滿足。仲要嘆住熱既杯玫瑰latte。拉花拉得靚，咖啡好滑。味道唔會甜，咖啡濃郁既味道係口度出曬黎，味甜既latte真係超啱我口味。玫瑰既淡香令咖啡更香，既特別既味道。呢個下午茶係最寫意既一次。下次帶女黎溝溝佢！