Video
Read full review
2021-10-26
1399 views
星期五晚去朋友屋企過夜，我哋落咗樓下搵嘢食。佢推介單車徑嗰邊有間唔錯嘅台式餐廳🇹🇼，名字叫「戀上台式料理」。餐廳位置臨近岸邊🌅，配合埋半開放式嘅格局，感覺好寫意。其實都真係幾估唔到一間台菜店會有咁Chill嘅環境呢！佢人氣超高，客人源源不絕。呢度嘅菜式種類繁多，例如有辛辣川菜、台式烤肉同地道台菜等🥢，整體定價合理。題外話，餐廳上菜速度好快，店員服務態度良好。鮮茄湯紅燒牛肉麵($78)，牛肉麵好大碗，鮮茄味嘅湯頭味道好濃郁，而且難得唔油膩🍅。餸料方面，牛肉好大件，有牛腩亦有牛𦟌，另外仲有青紅蘿蔔可以食。🍜麵條可揀陽春麵或刀削麵，我要咗前者，形狀偏幼身，但口感略嫌淋咗啲。手工魯肉飯配溏心蛋伴台式烤腸($68)，魯肉飯係台菜嘅代表，我相信冇人會反對🍚。餐廳對於魯肉飯嘅選材同製法非常講究，魯肉粒肥瘦均勻，炒得好入味。同時，魯肉飯搭配埋台式香腸、溏心蛋同埋小黃瓜一齊食，味道層次豐富。黑松露黃金花枝丸($48)，花枝丸一客有六粒🍢，每粒都炸至金黃香脆。花枝丸本身爽口彈牙，食得出鮮味花枝肉🦑，而面頭加上黑松露醬，又帶出另一番滋味。蒜香麻辣牛舌($68)，牛舌擺盤幾靚👅，肉質夠嫩，但麻辣味意外地辣🌶，
星期五晚去朋友屋企過夜，我哋落咗樓下搵嘢食。佢推介單車徑嗰邊有間唔錯嘅台式餐廳🇹🇼，名字叫「戀上台式料理」。
餐廳位置臨近岸邊🌅，配合埋半開放式嘅格局，感覺好寫意。其實都真係幾估唔到一間台菜店會有咁Chill嘅環境呢！佢人氣超高，客人源源不絕。
呢度嘅菜式種類繁多，例如有辛辣川菜、台式烤肉同地道台菜等🥢，整體定價合理。題外話，餐廳上菜速度好快，店員服務態度良好。
鮮茄湯紅燒牛肉麵($78)，牛肉麵好大碗，鮮茄味嘅湯頭味道好濃郁，而且難得唔油膩🍅。餸料方面，牛肉好大件，有牛腩亦有牛𦟌，另外仲有青紅蘿蔔可以食。🍜麵條可揀陽春麵或刀削麵，我要咗前者，形狀偏幼身，但口感略嫌淋咗啲。
手工魯肉飯配溏心蛋伴台式烤腸($68)，魯肉飯係台菜嘅代表，我相信冇人會反對🍚。餐廳對於魯肉飯嘅選材同製法非常講究，魯肉粒肥瘦均勻，炒得好入味。同時，魯肉飯搭配埋台式香腸、溏心蛋同埋小黃瓜一齊食，味道層次豐富。
黑松露黃金花枝丸
$48
26 views
0 likes
0 comments
蒜香麻辣牛舌($68)，牛舌擺盤幾靚👅，肉質夠嫩，但麻辣味意外地辣🌶，辣度係中辣以上，食到我噴火咁滯，哈哈。如果菜式可以減辣嘅話，我相信會幾正。
椰奶仙草芋圓
$38
51 views
0 likes
0 comments
冬瓜鮮奶($35)，餐廳除咗台式飲料外，更提供一系列酒水等🍸。不過工作咗成個星期已經好攰，我都係飲牛奶算🥛。冬瓜鮮奶又香又滑，不過嗌咗半糖都係偏甜，睇嚟要嗌微甜先得。
總括嚟講，呢餐我哋食得好飽飽，而且佢嘅電視仲播住Mirror嘅節目，令人唔捨得走，係一個非常滿足嘅晚上😆！
Post
