德國餐廳 (Closed)

放工同朋友去元朗行街，就到晚餐時間就周圍行下搵野食，見到呢間德國餐廳停左落黎！附近好多餐廳行過都唔想入去，但呢間裝修有心思，環境舒服，一於入去試下。餐廳內好多綠色植物，播放住輕快既音樂，燈光都好柔和，好舒服～ 本來想試德國豬手，但見隔離枱好大份，我地驚食唔晒。最後我就叫左生蠔同卡邦尼意粉！ 生蠔一份有六隻，睇落去好肥美，中間有茄汁，老闆仲好有心思放左d洋蔥粒系個汁度，仲一d都唔酸！生蠔唔會太濃海水味，容易入口，好鮮甜！意粉貌相美觀，頂鋪左一d火腿，老闆落足料！唔係得果兩三塊火腿裝飾下！個汁好濃，意粉煮得岩岩好！ 下次放工一定要叫d同事黎試下！多d人黎食試多d野！