Crafty Cow (Closed)

每逢星期五，都好想揾間好一點的餐廳，食個好少少的午飯，所以離公司遠小小的地方，放鬆一下心情。行吓行吓，被呢一間店的外牆所吸引，就唔覺意入咗去啦~入到店內，真係好清涼，跟店外簡直是兩個世界咁。門口旁邊排了一櫃啤酒瓶，伴著中間的 bar 枱，仲有一排木製的枱椅，跟店外形成截然不同的格調。我拿著餐牌看了看，職員以一口流利的英語推介了 Truffle Grilled Cheese & Tomato Soup，講到好似好吸引咁，就不猶豫的點了試試看。端上枱的是厚厚的三文治和一碗蕃茄湯，三文治食落好香脆，而裡面就有溶溶的芝士和松露，芝士食落好滑，好容易入口，加埋香到不得了的松露，真係食到停唔到。而碗蕃茄湯，唔算係好酸，但是超級濃，濃到好似一碗醬咁，職員提議可以把三文治點點後食，試過仲多咗一陣酸味味，好開胃。因為主菜是熱食，食完都有少少熱，所以飲番杯 Tonic Water 降温。正當我以為如此的格調，十居其九都係做外國人生意，點知原來職員係講到一口流利的廣東話，真係估唔到原來係咁國際化的。