ZAKS (Closed)

今日同Mr.J隨意地去愉景灣行一行，夜晚決定喺愉景灣食完先出返去。(喺D Deck食滿$120就可以免費搭船出中環，一張單最多$600 5個人)星期六晚當然會爆場啦，不過侍應們都好識變通，見多人等就即刻搵多幾張枱出嚟用，好彩加枱之後嘅位置唔會好迫，尚算闊落，只係露天位可能有枯葉跌落。喺等位嘅時候見到啲餸都好大碟，預咗只會叫兩三樣食物，但都已經有咗心理準備會好飽。今晚叫咗1)招牌粟米薄脆 $140(2)招牌沙律 $125(3)招牌特色薄餅 $140首先係招牌沙律，裡面有烚蛋、牛油果、車厘茄、青瓜、生洋蔥、沙律菜、紅橙椒絲、麵包粒等，應該係用橄欖油撈嘅，上菜時即刻磨胡椒落去，所以食落幾清新，唔會因爲太多沙律醬而滯哂。整體嚟講，招牌沙律味道ok啦，裡面嘅蔬菜新鮮，份量都算多，應該都夠3至4人食。招牌粟米薄脆嚟到嘅時候好驚訝，因為係量真係好多，夠4個人食。薄脆當然有好多脆片(平時超市買到嘅Derito Chip)、上面會有啲酸忌廉、蕃茄salsa醬等等，仲有好多熔哂嘅芝士，其實見到都滯咗啲。因為兩個人食唔到好快，所以食到最尾嘅時候有部分薄脆已經淋哂。Derito Chip加咗醬汁食之後更加惹