Food Garden ETC (Closed)

黎到D2place行下街，係3樓有好多唔同種類嘅餐廳，經過見到呢間環境都幾田園風，而且仲係寵物友善，有客人帶埋狗仔係入面用餐好得意呀🐶餐廳無特別限時，想傾耐啲計聚餐就幾適合啦🤪🔸松露醬薯條（HK$68）新鮮熱辣炸起嘅薯條，上面有一粒粒嘅黑色松露，食落薯條好香脆，松露味都啱啱好呀🍟🔸松露醬野菌忌廉汁意粉（HK$148）食落好creamy，意粉軟硬程度適中，每啖都有松露醬嘅香味呢🍝🔸夏威夷手工薄餅（HK$158）手工薄餅嘅餅底都係偏薄身個種，有菠蘿同火腿，入口就品嚐到菠蘿嘅甜味啦🍕🔸焦糖燉蛋（HK$52）甜品就叫左個焦糖燉蛋，如果焦糖面再焦啲就更好啦😎🔸蝶豆花檸檬（HK$58）因為用左碟豆花，成杯紫色嘅特飲好靚呀，檸檬味嘅有氣幾開胃🍹