Buzz Grill Bar & Cafe (Closed)

聽聞大埔有間新開既狗狗友善餐廳，可以同埋狗仔一齊黎，原來唔只係狗可以入黎咁簡單，仲有為寵物設計既餐牌，雖然我地無養寵物，都黎睇下狗店長來福！餐牌寵物餐牌內好似都有十款選擇。餐廳都幾有玩味，牆上既油畫都係狗仔主題！我lunch時段黎，試左個all day beaskfast,都有幾多野食。有漢堡扒、蛋、豆、菇類等等，幾欣賞佢個熱香餅有啲雲呢拿味、豬肉腸有好豐富既香草味同埋個煙肉係juicy 同彈牙！跟埋一個小甜品！份量都算足夠。另外我加錢order菠蘿汁，要加15蚊，不過都幾大杯(500ml)。狗店長會隨時行埋黎你張枱坐下。好好彩咁佢坐左我對面短時間陪我地食左餐晏。見到隔張枱order左杯熱飲同cake個造型都好可愛。下次要黎試埋甜品先。