La BASE HK

Open Now

Now Closed

前幾日去左尖沙咀嘅La BASE HK，真係一間獨特嘅餐廳，而且pet friendly，可以帶埋寵物一齊來。首先佢嘅串燒拼盤係一定要試嘅啦！只需$288，就可以食到多款美味嘅串燒，包括雞、牛同豬頸肉，另外佢個煙肉荔枝卷，真係好清新，口感好特別另外佢嘅意式烤紐西蘭小羊架亦都好出色，配埋多色有機時令烤菜，只需$398，真係物超所值！扁意粉配澳洲野生三文魚同有機菠菜都好好味，只需$288，真係好滿足呢！我地仲揀左黑糖薑茶或者黑糖圓肉紀子茶，每杯只需$78，真係好開胃又暖心！聽店員講佢地用全天然無激素肉，而且大部份蔬菜都係有機嘅！佢哋亦都自家種殖香草，真係好注重食材嘅質素同健康！再加上環境靜靜哋，真係好啱同朋友一齊嚟度過一段放鬆嘅時光，最重要嘅係冇限時間！真係好適合開生日party同埋聚會！如果要訂位，仲可以預早WhatsApp留位。