咖啡灣 (Closed)

喺自己屋企附近D餐廳食到悶,要跨區去其他地方試下新菜式。最近去過坑口,今日再搭多一個站嚟咗寶琳搵食。間舖嘅裝修主要係用咗粉藍色同埋白色嘅設計,還用左境嘅效果整出一種高貴舒適嘅感覺。黑板上介紹餐廳的食品,手寫又有畫圖,好有誠意。 橙柳桂花雞翼 $58初時有啲唔慣因為佢係甜嘅,但係個 雞翼邊炸得好脆喎! 橙柳加咗桂花味好清甜。 拉絲芝士龍蝦汁海鮮飯 $118芝士真係拉到絲,龍蝦汁撈埋啲珍珠飯好惹味,各款海鮮:青口、 大蝦和蜆肉都好新鮮。 食完呢碟之後,再食返個桂花雞翼,一鹹一甜,覺得好夾。 愛心窩夫 $98窩夫專登整到唔係好甜,配合佢上面一啲topping如棉花糖粒/星星粒/士多啤梨/香蕉/雪糕都有甜味,配任何1樣同窩夫一齊食就覺得個味啱啱好,士多啤梨雪糕好多果肉。綠茶鮮奶 $36三眼仔拉花真係拉得好靚,好吸睛 綠茶味道好濃郁,又有啲玫瑰嘅優香。 飲咗四分之一都唔捨得整花個三眼仔圖案。食飽後仲撞到熟朋友,佢仲問返我哋有咩好食, 梗係即刻叫佢試下咖啡灣啦 。