麵麵店 (Closed)

之前太多人完全冇機會去食，今日機緣巧合之下終於都可以有機會試一試。全paperless方式落單，與時俱進，值得一讚。不過就算有唔清楚或困難，眼見都有唔小職員可從旁協助，扺讚。我自己order左一個5餸油麵加薑酒湯，份糧好足，薑酒湯都幾特別，有一陣酒香但又唔會好濃，我覺得啱啱好。作為明星代言嘅麵店，5個餸都冇令我失望，不是頂級，但我覺得恰到好處。同行朋友另order左一個較經濟的3餸餐連飲品，都不失為另一個好選擇。