Video
Read full review
2017-01-10
160 views
雖然唔係咖啡愛好者，但一直周不時試大大小小唔同類型嘅Cafe,為嘅只係尋找一個可安心帶摯友朋友傾計舒服，野食好味嘅地方~辦館實際位置比地圖上顯示易搵好多，其實就係世貿向左行小小，右手面就會有雞那咁大隻字寫住辦館(即係商場入口右手邊)。正題:👍🏻樓底夠高，環境開揚，indoor環境非常一流。👎🏻唔建議坐outdoor，景觀ok，地方好大但感覺焗促，當日若然唔夠風涼水冷就最好咪坐。重點係，侍應生嚴重短缺唔會得閒理你😞👎🏻飲品方面，既然畀得客人選擇凍檸茶，可以沖好少少嗎？從未飲過"反晒"嘅凍檸茶(一送到黎個色水已知出事)。五星係負皮星，唔好搞錯。結果味道當然又苦又澀，落雙倍糖水都冇蓋唔過。原因只有兩個----一係水吧係新手，唔知"茶膽"一定要熱水沖+完全攤凍💦，而加左冰諗住快啲整凍到個茶膽;一係佢今朝手腳慢唔夠時間做準備，所以偷雞用呢招。茶膽開衰左，當日冇論檸茶奶茶都死☠️👏🏻凍檸茶忠實fans可以試下品越越南餐廳嗰杯，係意想不到嘅有茶味之餘一啲都唔苦，好有誠意！香港買少見少喇！👍🏻好在，友人杯咖啡係👌🏻的👆🏻一送到黎就咁嘅樣,灰左食物方面，🍝👍🏻👍🏻👍🏻👍🏻👍🏻👍🏻👍🏻無論係蒜蝦扁意粉或Ca
辦館實際位置比地圖上顯示易搵好多，其實就係世貿向左行小小，右手面就會有雞那咁大隻字寫住辦館(即係商場入口右手邊)。
正題:
👍🏻樓底夠高，環境開揚，indoor環境非常一流。
👎🏻唔建議坐outdoor，景觀ok，地方好大但感覺焗促，當日若然唔夠風涼水冷就最好咪坐。重點係，侍應生嚴重短缺唔會得閒理你😞
👎🏻飲品方面，既然畀得客人選擇凍檸茶，可以沖好少少嗎？從未飲過"反晒"嘅凍檸茶(一送到黎個色水已知出事)。五星係負皮星，唔好搞錯。結果味道當然又苦又澀，落雙倍糖水都冇蓋唔過。原因只有兩個----一係水吧係新手，唔知"茶膽"一定要熱水沖+完全攤凍💦，而加左冰諗住快啲整凍到個茶膽;一係佢今朝手腳慢唔夠時間做準備，所以偷雞用呢招。茶膽開衰左，當日冇論檸茶奶茶都死☠️
👏🏻凍檸茶忠實fans可以試下品越越南餐廳嗰杯，係意想不到嘅有茶味之餘一啲都唔苦，好有誠意！香港買少見少喇！
👍🏻好在，友人杯咖啡係👌🏻的
反斗凍檸茶
19 views
0 likes
0 comments
食物方面，🍝👍🏻👍🏻👍🏻👍🏻👍🏻👍🏻👍🏻
無論係蒜蝦扁意粉或Carbonara意粉都冇得彈！
意粉本身能煮到剛好，味道亦非常到位，上菜時溫度亦夠熱，所以香氣特別濃烈！(對比走高檔價嘅Simply life明顯出眾，嗰邊經常上菜時意粉只係比室溫暖小小，味道仲非常重。😵有一次食嘅蟹肉意粉好似落左幾重鹽咁！)
蒜香蝦扁意粉(微辣)
13 views
0 likes
0 comments
8 views
1 likes
0 comments
賣意粉嘅地方眾多，其實我係一啲都唔介意個配菜係啲乜，但好介意蒜香意粉有冇蒜香、有冇加入微辣份量嘅指天椒🌶、配菜有冇調味同畀誠意處理過食材(最怕係大而有雪味嘅蝦🍤，有沙嘅蜆同煮至香口膠咁嘅青口)
之前一直只能喺赤柱先食至嘅蒜香藍青口扁意粉，今日終於搵至替代品喺鬧市都值得開心嘅！❤️
服務方面，侍應態度係友善，但睇得出佢地非常欠缺人手！面對住大概三十位客，只有一個新手年輕女侍應衝忙地應付廳面所有工作(知佢新手因為水吧職員提佢枱號),最慘係個場地方大，outdoor又有兩枱客，跑都唔掂！所以我會體諒佢落錯單，唔記得俾叉同double糖水我地，仲有知道我地要埋單但唔記得左。
💡可能年尾難搵人，又或者都慳成本，希望管理層正視呢個人手嚴重不足嘅問題❗️否則我諗連呢個女侍應都好快頂唔順劈炮！
因為服務不足而令至食客失去品嚐美食嘅機會太可惜喇...
Post
