壹玖捌叁

Open Now

Now Closed

又係一期一會老闆請食飯，咁我就舉手舉腳贊成食番依家特色餐廳，因為上次食過那度精緻菜-「雞皮包雞粒炒飯」做到似粒糯米包，我已經心心念念想住encore，點知老闆冇點到，佢點左其他新菜式，那個剁椒蒸魚腩、魚頭同魚卜，真係痴線，連我唔食魚的人都停唔到口，事關太滑，冇法抗拒，另一道咕嚕肉，那個什麼伊比利亞豚肉，入口鬆化，而羊腩煲，好滑好軟，我聽侍應講係用秘制汁浸，啲怕羶味的同事，係咁夾，我都只爭到食2口，俾佢夾曬，是關就算齋睇樣，未食都知道有幾嫩滑，仲有隻霸王白切雞，連雞胸都軟滑，侍應話單係醃雞準備功夫都用左24小時。看似平平無奇肉包，原來用安格斯牛做餡料，其他本地介菜、大閘蟹、窩貼等也是好味到震，本身食材正，唔使多講。所以話粵菜菜式間間都係依幾道菜，分別就係餐廳做工的細節，食材本身靚，食物水平才能超人幾班，一個字「正」。如果一年只俾我出街食一餐飯，只會選依家，別冇他選。