Video
Read full review
2022-02-09
728 views
以前咖啡弄位置，原來開咗間新加坡餐廳，整間店以綠色丶白色為主調，視覺上清新丶舒服！可惜夜晚停咗堂食，唯有外賣拎走… 自助點餐或櫃枱點餐都可以，特別要提呢度有位短頭髮好主動用英文溝通嘅女店員，笑容滿面，仲好有禮貌👍🏻叻沙 Laska $98首先當然要食去新加坡必食嘅叻沙，有蝦丶魚旦丶魚片丶豆卜丶半邊蛋，可揀米粉丶油麵或米線，湯底濃，有椰香，仲有我好鍾意嘅江魚仔添～辣椒板麵Chilli Ban Mian $88麵條上面放咗辣椒丶豬肉碎丶半熟蛋、江魚仔、香菇片丶菜粒丶蔥花，以醬油、生抽、蠔油等調味，份量好足；幸好店員將辣椒放埋一邊，咁就可以自由控制辣度啦！炸五香卷Ngon Hiang $48腐皮包住已調味嘅豬肉，夠哂香口，第一次試，原來有五福臨門嘅意思，悉逢新年，攞個好意頭！外賣返屋企途中，不時聞到五香味，已經好想即刻食！拎到返屋企都仲脆㗎😋姜汁奶茶Tah Halia $28薑味重，茶味夠香，微甜啱啱好酸梅青檸水 Plum Limau $28我覺得佢係係話梅桔仔冰，味道好清新
以前咖啡弄位置，原來開咗間新加坡餐廳，整間店以綠色丶白色為主調，視覺上清新丶舒服！可惜夜晚停咗堂食，唯有外賣拎走… 
自助點餐或櫃枱點餐都可以，特別要提呢度有位短頭髮好主動用英文溝通嘅女店員，笑容滿面，仲好有禮貌👍🏻
叻沙 Laska $98首先當然要食去新加坡必食嘅叻沙，有蝦丶魚旦丶魚片丶豆卜丶半邊蛋，可揀米粉丶油麵或米線，湯底濃，有椰香，仲有我好鍾意嘅江魚仔添～
辣椒板麵Chilli Ban Mian $88麵條上面放咗辣椒丶豬肉碎丶半熟蛋、江魚仔、香菇片丶菜粒丶蔥花，以醬油、生抽、蠔油等調味，份量好足；幸好店員將辣椒放埋一邊，咁就可以自由控制辣度啦！
炸五香卷Ngon Hiang $48腐皮包住已調味嘅豬肉，夠哂香口，第一次試，原來有五福臨門嘅意思，悉逢新年，攞個好意頭！外賣返屋企途中，不時聞到五香味，已經好想即刻食！拎到返屋企都仲脆㗎😋
姜汁奶茶Tah Halia $28薑味重，茶味夠香，微甜啱啱好
酸梅青檸水
7 views
0 likes
0 comments
我覺得佢係係話梅桔仔冰，味道好清新
Post
