禮記 (Closed)

行完donki覺肚餓， 屋企人話 想食中菜， 喺正樓下有一間。格局非常企理， 有種高級中菜氣派。鳳梨咕嚕肉，$128。 每次食中菜必點既都係咕嚕肉， 個人認為 係其中一款中菜試金石。 呢度嘅咕嚕肉皮唔算脆， 但勝在每一粒 切得夠細， 小朋友都容易入口， 酸甜味適中。 至於賣相上配搭 碟同埋框嘅造型， 喺打卡方面已經贏曬。椒鹽脆豆腐，$88。 正常水準， 外皮做得脆裏面嘅豆腐仍然嫩滑， 配搭椒鹽嘅鹹味非常可口。銀芽肉絲脆麵，198。 賣相造型十分驚喜嘅一道菜， 個麵好似gel左頭咁樣， 定咗型， 係打卡一流嘅菜式。 口感味道都同普通嘅乾燒伊麵差唔多， 不過佢嘅份量就非常之多， 算係幾抵食嘅邊食。