禮記 (Closed)

前晚同朋友去左將軍澳呢間精緻中菜嘅餐廳食晚飯。錦鹵雲吞 $128呢個小食都好足料好夠飽，有好多大大件嘅炸雲吞，配埋甜甜地嘅醬汁。醬汁入面有蝦仁、魷魚同埋肉，份量多到好似一個小菜咁。黑松露醬滑蛋蝦仁 $138呢個幾出色，有黑松露味之餘又唔會掩蓋左啲蛋香。蛋炒得好滑嫩，蝦仁都有唔少，每隻蝦仁都大大隻，爽口彈牙。豉汁安格斯牛柳條炒米粉 $188同平時嘅炒米粉唔同，呢到嘅炒米粉煎到好似薄餅咁，又帶點微甜味，配埋芽菜同安格斯牛柳條，幾值得一試。