莆田 (美麗華廣場2期) (Closed)

好在有訂位，門口已經有好多人等緊。張枱唔大，但係櫈就好大張，坐的感覺好奇怪，要就住就住，環境好嘈，要好大聲講嘢。今季主推蟶子，$198可以揀兩款，咁就試下。蒜蓉蒸蟶子蟶子細細隻，蒜蓉就係行貨，同埋一劈嘢，有部分有沙。鐵板鹽焗蟶子食到個味就係鹽的鹹味，所謂鐵板就係有個鐵板載。不過唔要求得咁多，價錢反映一切。風味松鼠魚松子係益，松鼠魚都幾大條，炸得幾香，我覺得個汁都調教得啱啱好。脆皮蒜香雞雞係雪藏，肉係離咗骨，但係部份肉位係有血，骨有血。普洱茶有啲花香味，店員唔會成日加茶，有時見到都扮睇唔到。