Mee...lemongrass (將軍澳中心) (Closed)

兩個人諗住食大餐，去左將中既呢間試下佢既越南野。點都要食啲菜之馬拉盞炒通菜。好食，不過當然係油同唔太健康啦。同埋要注意都偏辣，唔好辣既我諗要同佢講聲。米紙卷係點俾自己。諗住唔食主食，清清地。哇，原來都幾大份，仲卷得好厚身，飽死。個豬扒我幾推介，絕對係平靚正！份量都大，所以兩個人食都幾飽。串燒都好食，肉質好好。仲有啲菜同生果伴碟，俾我掃光哂！老公叫左個湯麵。我見佢都食哂。最後點都要個甜品結尾！超開心，因為我一直都好鍾意食芒果糯米飯。老公仲話呢個係拖鞋飯，笑死。