老夫子餐館 (Closed)

位於太子的老夫子餐館，餐廳裡裡外外全都是老夫子與漫畫內的角色，設計花心思又特別，到處都是影相位，不論是否老夫子粉絲都值得一去。餐牌設計都好特別，除左是老夫子的樣子外，菜名都充玩味: 耐人尋味、道高一尺、勢不兩立等，全部都係漫畫中的四字成語。情有可原即係雲呢拿奶昔，奶昔夠冰凍，而且好大杯，質感都好幼滑厚身，甜而不膩，解渴又美味。耳目一新即係洋蔥圈，大大個洋蔥圈，炸到金黃色好吸引，外層炸漿岩岩好又唔會太厚，洋蔥鮮甜，點埋沙律醬更加美味。坐享其成即係瑞士汁牛河，瑞士汁味道甜甜地又唔會太咸太膩，牛肉鬆軟入味，河粉夠潤滑，越食越滋味，份量大大碟，可以吃個飽。世外桃源即係焗豬扒飯，芝士加埋蕃茄已經酸酸咸咸好香濃，豬扒肉厚腍軟，底下係炒飯底，爽身分明，味道十分不錯。得意忘形即係香橙梳乎厘，香橙味的梳乎厘，鬆軟又輕盈，吃下如空氣的質感，蛋香不錯，做得出色的甜品。