湯•米 (Closed)

今次試咗冬陰功湯底 會話十分出色🤙🏻 因為坊間Binlo舖都比較少有呢種湯底 一啲都唔hea 飲得出好有香料味！！！入邊嘅青口都大大隻 同埋都有幾隻蝦 仲有幾條薯粉，幾驚喜 而且湯底唔會好似麻辣鍋/沙茶鍋咁油膩😗 仲另外加咗幾隻鮑魚 呢個價錢咁大隻新鮮嘅鮑魚好抵食 一定要嗌 完全唔會好似擦子膠咁咬唔開 爽口彈牙 以呢個價錢嚟講會話好抵食✌🏻另外小食方面 鹽酥金針菇同冬菇都幾特別 而且份量好大 即叫即整 仲附送左泰式辣醬一齊點 減低個油膩感 仲叫咗夜市小香腸 係正宗台灣腸甜甜地嘅味道 分量係兩條切片 都唔少 可以同朋友share食！🙌🏻