小魚兒 (富麗花園) (Closed)

香港食烤魚既地方唔算多，最近係將軍澳發現左一間有得食烤魚、雞煲、串燒既餐廳，雖然小魚兒唔近地鐵站，路程大約10分鐘，但都有唔少人專登行入黎食。老壇酸菜豆花海鱸魚 $308第一次黎當然要試下最出名既烤魚，烤魚有幾款唔同既湯底同魚類選擇，我地揀左海鱸魚配酸菜湯底，由於唔係好食得辣，所以叫左BB辣，湯底辣度岩晒唔係好食得辣既人，味道酸酸辣辣，就算煮耐左都唔會好辣。海鱸魚有微微煎香煎，外表金黃酥脆，內裏肉質鮮嫩厚實，魚骨唔算好多，都幾易食。配料除左有大量既酸菜，仲有雲耳、青瓜、芽菜、紫洋蔥、豆花同埋寬粉，個人最鐘意豆腐，入口滑溜，好味！寬粉 $36開頭無留意原來配料已經有幾條寛粉，不過鍾意食寬粉既人，都要另外再叫多份先至滿足，寬粉口感煙韌，而且可以吸晒湯底精華，好正！萵筍 $48萵筍口感鮮嫩爽脆，同樣可以吸收晒湯既酸辣，非常入味！燒牛肉串（沙嗲醬）$13雖然好飽，但見依度有串燒食，都叫左一串試下，牛肉肉質軟嫩，配埋自家製既沙嗲醬，甜甜辣辣，好惹味！特濃香芒沙冰 $48芒果沙冰味道清甜，沙冰打得好幼滑，可以清一清食完烤魚既味蕾，好清新！