穴の酒販 (將軍澳中心)

Open Now

Now Closed

其實想試呢度啲午餐好耐，但係之前好多時都好多人，今次難得少啲人，就即管試下喇！左邊嘅係沙律，佢有一個特色，就係加咗蘆薈，估唔到同沙律菜，仲有麻醬都幾夾喎！右邊嘅醃蘿蔔加咗蝦米，索晒啲海鮮味，適合鐘意食蘿蔔，有唔怕海鮮腥味嘅人。好典型嘅一碗麵豉湯，味道都係偏鹹，有少少腐皮同昆布喺入面。海鮮丼嘅刺身全部都好新鮮，而且好多款式，適合晒刺身控。鰻魚嘅味道同口感控制得好好，蒲燒汁俾啲飯索晒，配埋蛋絲同鰻魚真係一大享受。可惜，我覺得如果啲飯可以再熱啲會好啲。唔係每間日本菜都有銀鱈魚西京燒，超鐘意海鮮嘅我當然要試下！皮燒得好脆，每一啖都超滑，仲充滿香味，絕對推介呢個午餐。呢個鍋係鹿兒島豚肉鍋，湯底好似壽喜燒，但係味道比較淡。全部菜同豚肉嘅口感控制得啱啱好，加埋湯同飯一齊食真係好正！由於本人食火鍋鍾意配麵嚟食，所以如果呢個鍋可以揀要麵 / 烏冬 / 飯會最好。呢都係一間高質嘅日本菜，嚟呢度嘅話，絕對推介試下銀鱈魚西京燒或者鹿兒島豚肉鍋。我一定會再嚟，因為我嚟呢度本身係想食天婦羅，好食無曬，下次一定要嚟試下。