台北巷弄 (Closed)

將軍澳越來越多台式餐廳，今次試試新開既台北巷弄，主打台式便當。餐廳以藍色為主調，入面只有六至七個位子，所以我決定外賣。餐單入面都係啲耳熟能詳嘅台灣食物，估唔到嘅係飲品選擇幾多。等左五分鐘就拎到外賣，速度非常快。- 手切滷肉便當豬肉切成絲條，半肥瘦夠稔，飯唔會過黏。飯面上除左滷肉，仲有菠菜同醃椰菜絲。醃椰茶絲平衡返滷肉既味道，吃曬成碗都不覺膩。如果再多啲醬汁就正。- 台式排骨便當排骨好大塊，肉質鬆軟，調味唔會過鹹。入面一樣有滷肉飯、醃椰菜絲同菠菜。- 鹽酥雞返到屋企一打開外賣盒仍然有陣熱氣湧上黎，鹽酥雞分量幾多，味道不錯，唔會好油。- 仙草1號係仙草凍芋圓其中一款，入面有仙草凍、椰果同手工芋圓。仙草凍滑溜，芋圓有三款，以紫薯味最突出，充滿顆粒感。- 冬瓜檸檬🍋甜度適中，味道不會過酸，解渴一流。- 紅豆一號入面有紅豆湯同手工芋圓，顏色有少少不討好，不過有我最鍾意既紫薯芋圓！總結今餐，滷肉飯有水準，甜品係餐廳特色之一。