犇殿台灣火鍋 (東港城)

Open Now

Now Closed

天氣突然轉冷今晚約埋老婆收工直接去坑口東港城犇殿台灣火鍋分店，打返個邊爐再慢慢行返屋企😆犇殿台灣火鍋裝修雅致，以木系為主調，卡位寬敞舒適。自助區位於餐廳中間位置，除左丸類、菇類、蔬菜呢d火鍋配料之外，仲提供多款熟食，當中比較特別嘅有皮蛋醬油豆腐、咸蛋苦瓜、台灣香腸同埋鹽酥雞，另外飲品同埋甜品都係放喺呢度😙晚市任食火鍋有90分鐘同120分鐘套餐選擇，我地揀左$295一位嘅澳洲黑毛牛肩胛肉套餐。湯底有8款，老婆揀左牛乳鍋😌美白凝膚牛乳鍋牛乳鍋帶有骨湯同淡淡奶香味，唔會搶過食材味道，配搭肉類同蔬菜都非常好，尤其係菠菜，用牛乳鍋灼特別嫩滑😋澳洲黑毛牛肩胛肉今晚套餐呢款黑毛牛肩胛肉牛肉每碟兩件，每件都大大塊，油花非常靚，雖然唔係好似和牛咁軟腍，不過牛味非常濃，入口油香滿溢，全晚任點任食，非常滿足😍台灣美食除左自助區有多款台灣小食，火鍋配料亦有任點鴨血、米血糕、蜂巢等多款台灣食物，鴨血口感細嫩富有彈性，雖然唔係配麻辣湯底，但都很惹味👍🏻海斑片由於我地主要都係食黑毛牛肩胛肉同台灣美食，海鮮就食得比較少，不過海斑片老婆就點左幾次，海斑片爽滑鮮甜，味道唔錯😋甜品甜品有杞子芋圓、涼粉同埋雪糕，雪糕有Häa