大灰熊廚房 (Under Renovation)

📍［將軍澳｜大灰熊廚房］大灰熊呢個名咁熟面口，之前都有聽過大灰熊獨木舟，唔知有冇關係，但咁岩店內裝修又有兩架獨木舟係度😂講番食物先，本身想晚巿黎到叫番兩三個小菜，但見到佢有個二人餐又幾抵食所以就叫左，先有個湯，有啲豆腐有啲肉碎既羹，正常味道。小食有個椒鹽粟米，幾特別未試過，但係想像到既味，都好食，用黎做小食一流。主菜叫左椒鹽豬扒同埋金銀蛋菜心，椒鹽豬扒好有鑊氣，炸蒜好多同好香，豬扒份量都好多，都有8-10件到。金銀蛋菜心有哂咸蛋皮蛋，幾有家庭既感覺，份量都多，咸蛋皮蛋都食左好多。黎到唔想諗咁多就二人餐算啦，好味抵食飽肚又唔洗煩。