大灰熊廚房 (Under Renovation)

今日去完將軍澳附近踩單車之後就同家姐嚟呢間大灰熊廚房食晚餐，呢間餐廳原來主打食私房菜。今次我哋就叫咗兩款小食兩個燉湯同兩款小菜。柚子雞翼食落唔會太甜有淡淡的清香味。一口椒鹽豆腐細細粒嘅一口豆腐咬落去外脆內軟非常香口。姬松茸燉湯燉湯入邊材料充足，湯頭非常清甜唔會覺得油膩。西蘭花炒蝦仁蝦仁非常大粒而且食落好爽口，西蘭花大大件菠蘿咕嚕肉咕嚕肉食落酸酸甜甜，肉質咬落肥瘦適中非常之開胃。整體來講一間餐廳質素都唔錯價錢亦都唔太貴可以再黎試下其他款式。