Video
Read full review
2021-09-18
91 views
春嬌 (將軍澳)星期六 6點左右去，冇咩人唔使等位。餐廳係scan QR code喺手機睇Menu，自己落order，都算幾方便。午夜會跟嘢飲，但晚市嘢飲就要另外加錢。。馬拉盞通菜牛肉飯 $65有一大碟通菜牛肉，而白飯係另外分開上，咁樣就唔驚整濕晒啲飯。通菜食落有少少爽口，同埋都有啲辣，食落係幾開胃。有5、6塊牛肉，都幾大塊。味道係唔錯，但比起其他就有啲貴。。河内生牛肉河粉 $55越南野最鍾意食就係生牛肉河。呢款生牛肉可喺牛肉上面仲加咗大量嘅洋蔥、蔥同埋芽菜。撈埋一齊食，就會更加有口感。有三至四舊生牛肉，唔會太肥，都算大塊。湯底清清地，幾鐘意。。咖哩牛腩飯 $54牛腩略為瘦咗少少，食落去口感會冇咁好，另外仲有啲薯仔，煮得好淋。個咖喱都幾香但有啲辣。撈埋一齊食，好快就食晒一碗飯。。荔枝梳打（凍）+$8、荔枝茉莉茶（凍）+$8兩款都係荔枝糖漿加飲品底，荔枝梳打會略甜，比較鍾意茉莉茶 。椰汁冰（凍）+$12椰汁味好濃，味道唔錯，不過都係略甜。。📍將軍澳培成里10號明德邨明德商場地下4-6號舖
星期六 6點左右去，冇咩人唔使等位。餐廳係scan QR code喺手機睇Menu，自己落order，都算幾方便。午夜會跟嘢飲，但晚市嘢飲就要另外加錢。
。
馬拉盞通菜牛肉飯 $65
有一大碟通菜牛肉，而白飯係另外分開上，咁樣就唔驚整濕晒啲飯。通菜食落有少少爽口，同埋都有啲辣，食落係幾開胃。有5、6塊牛肉，都幾大塊。味道係唔錯，但比起其他就有啲貴。
。
河内生牛肉河粉 $55
越南野最鍾意食就係生牛肉河。呢款生牛肉可喺牛肉上面仲加咗大量嘅洋蔥、蔥同埋芽菜。撈埋一齊食，就會更加有口感。有三至四舊生牛肉，唔會太肥，都算大塊。湯底清清地，幾鐘意。
。
咖哩牛腩飯 $54
牛腩略為瘦咗少少，食落去口感會冇咁好，另外仲有啲薯仔，煮得好淋。個咖喱都幾香但有啲辣。撈埋一齊食，好快就食晒一碗飯。
。
荔枝梳打（凍）+$8、荔枝茉莉茶（凍）+$8
兩款都係荔枝糖漿加飲品底，荔枝梳打會略甜，比較鍾意茉莉茶 。
椰汁冰（凍）+$12
椰汁味好濃，味道唔錯，不過都係略甜。
。
📍將軍澳培成里10號明德邨明德商場地下4-6號舖
Post
