Video
Read full review
2018-04-28
563 views
Tea Set有分開鹹食同甜食，雖然Tea Set既分量睇落好似細份左啲，但其實食落既分量真係岩岩好。底層鹹食：蟹肉蛋沙律意大利包、煙三文魚沙律、迷你香烤火腿芝士三文治三款鹹食裏面小編最鍾意嘅係個三文治包，麵包整得好香口，而且夾埋中間嘅芝士同火腿一齊食，個口感同味道都超級正呀。至於個意大利包方面，中間嘅蟹肉蛋沙律醬個份量俾得啱啱好，所以個意大利包整體入口都唔會太乾身，而且沙律醬嘅味道比較特別，小編估計佢應該有溝到其他野落去。至於個煙三文魚沙律就比較普通，個人就覺得冇乜特別。中層輕食：士多啤梨松露、迷你冬甩、酥皮牛角冬甩講到輕食點可以冇佢哋呢度招牌嘅冬甩呢，冬甩方面就分別有迷你冬甩同埋酥皮牛角冬甩。迷你冬甩方面就俾咗4粒，朱古力味同忌廉味就各兩粒，冬甩裏面嘅忌廉都打得幾滿下，所以入口唔會太乾身。至於個酥皮牛角冬甩方面，就貫徹一直以來嘅味道，所以喺度都唔多作介紹啦！而個士多啤梨松露，底部小編覺得佢係一個奶黃醬，偏向比較重奶味，而中間有少少士多啤梨粒喺度酸酸地，免頭再有啲好似彈花忌廉嘅嘢喺度，所以整體嘅味道都比較清淡同清新，應該係成個Tea Set裏面味道比較淡嘅食物之一。頂層甜點：特濃朱古
精品下午茶2人套餐
$188
60 views
0 likes
0 comments
Tea Set有分開鹹食同甜食，雖然Tea Set既分量睇落好似細份左啲，但其實食落既分量真係岩岩好。
底層鹹食：蟹肉蛋沙律意大利包、煙三文魚沙律、迷你香烤火腿芝士三文治
三款鹹食裏面小編最鍾意嘅係個三文治包，麵包整得好香口，而且夾埋中間嘅芝士同火腿一齊食，個口感同味道都超級正呀。至於個意大利包方面，中間嘅蟹肉蛋沙律醬個份量俾得啱啱好，所以個意大利包整體入口都唔會太乾身，而且沙律醬嘅味道比較特別，小編估計佢應該有溝到其他野落去。至於個煙三文魚沙律就比較普通，個人就覺得冇乜特別。
中層輕食：士多啤梨松露、迷你冬甩、酥皮牛角冬甩
講到輕食點可以冇佢哋呢度招牌嘅冬甩呢，冬甩方面就分別有迷你冬甩同埋酥皮牛角冬甩。迷你冬甩方面就俾咗4粒，朱古力味同忌廉味就各兩粒，冬甩裏面嘅忌廉都打得幾滿下，所以入口唔會太乾身。
至於個酥皮牛角冬甩方面，就貫徹一直以來嘅味道，所以喺度都唔多作介紹啦！
而個士多啤梨松露，底部小編覺得佢係一個奶黃醬，偏向比較重奶味，而中間有少少士多啤梨粒喺度酸酸地，免頭再有啲好似彈花忌廉嘅嘢喺度，所以整體嘅味道都比較清淡同清新，應該係成個Tea Set裏面味道比較淡嘅食物之一。
頂層甜點：特濃朱古力慕絲、意大利芝士餅
特濃朱古力慕絲方面，朱古力味真係超級香濃，而且慕絲個質感亦比較幼滑，慕絲表面加左啲車厘子長喺度，入口酸酸甜甜咁，超級解膩。
而個意大利芝士餅小編真係超級欣賞，因為呢個甜品裏面苦同甜都可以體驗個到，先苦後甜，而且個咖啡味好重個配搭真係超級正呀。
飲品：焦糖牛奶泡沫咖啡、薄荷朱古力
焦糖泡沫牛奶咖啡
41 views
0 likes
0 comments
個焦糖牛奶泡沫咖啡入口嘅味道就同小編想像中嘅差唔多，咖啡味好香，但就好似冇乜焦糖味。
薄荷朱古力
38 views
0 likes
0 comments
至於個薄荷朱古力方面，朱古力味真係超級重，可以飲到好香嘅可可味。雖然成杯嘢飲都係朱古力，但味道就一啲都唔甜，不過薄荷味就稍為欠缺。
Post
