Video
Read full review
2016-11-29
3947 views
今日有屋企人生日，早排行popcorn經過見到呢度有間好似幾多野食嘅燒肉餐廳，於是決定入黎試下。價錢198+1一位，一行六人，入到門口經理已經好好人咁問我地想要一個爐定兩個爐，我地想坐得鬆動啲，而且果日餐廳唔係太full，經理就俾左張八人台我地。入到去即刻睇下有咩食先！入面有冷盤區，炸物區，熱葷，凍肉櫃，甜品區同dreyers雪糕任食，款式都算好多呀，熱盤數量拍得住酒店宵夜buffet呀！冷盤有三文魚，立魚，呑拿魚，八爪魚同北寄貝刺身，仲有壽司，迷你沙律吧，冷烏冬同凍蝦炸野選擇都好多，炸多春魚，麥樂雞，韓式炸雞，薯條，炸魚塊等等熱盤方面大約有十幾款，因為冇試到全部，所以唔係好記得，有牛腩啦，蕃茄豬扒飯，銀針粉，炸豬手，仲有男人的浪漫同蠔仔粥喎！湯方面有羅宋湯同人參雞湯，入面真係有一支支人參絶無揸流攤。整體熱盤味道ok ，雖然冇食到好多，不過感覺上餐廳有用心，絶對唔係擺幾味係度充撑場面。所以如果一家大細黎聚會，老人家唔太鍾意食燒野，淨係食熱葷都完全夠飽同夠選擇。戲肉燒肉呢，我個人非常满意，我最怕啲任食韓燒醃到啲肉好濃味(可能係為左掩飾啲肉唔新鮮)，食完都唔分唔到自己食緊乜，反而呢度啲肉唔
價錢198+1一位，一行六人，入到門口經理已經好好人咁問我地想要一個爐定兩個爐，我地想坐得鬆動啲，而且果日餐廳唔係太full，經理就俾左張八人台我地。
入到去即刻睇下有咩食先！入面有冷盤區，炸物區，熱葷，凍肉櫃，甜品區同dreyers雪糕任食，款式都算好多呀，熱盤數量拍得住酒店宵夜buffet呀！
冷盤有三文魚，立魚，呑拿魚，八爪魚同北寄貝刺身，仲有壽司，迷你沙律吧，冷烏冬同凍蝦
炸野選擇都好多，炸多春魚，麥樂雞，韓式炸雞，薯條，炸魚塊等等
$198
142 views
2 likes
0 comments
戲肉燒肉呢，我個人非常满意，我最怕啲任食韓燒醃到啲肉好濃味(可能係為左掩飾啲肉唔新鮮)，食完都唔分唔到自己食緊乜，反而呢度啲肉唔會太濃味，調味恰到好處。推介護心肉，一口牛，同香草五花腩，肉質好新鮮！不過唯一令我有啲失望嘅就係，呢度竟然冇我最愛嘅腸仔食，得芝士腸同紅腸，如果有廚師腸就真係完美。
甜品選擇唔太多，不過算啦，食燒肉同食酒店自助餐唔一樣，我唔會特登留肚食甜品。我記得就有啫喱，奶凍，布甸，芝士蛋糕等等，仲有朱古力噴泉同幾款生果，雪糕係dreyers有三種味，朱古力，cookie n cream同士多啤梨，口味唔多但toppings好多你真係估佢唔到，台式珍珠同小丸子都有
總括黎講食物:選擇多，照顧到唔同口味嘅人，不過都係果句:我要食腸仔！
衞生:唔覺得有大問題，凍肉櫃溫度合格，唯一要挑剔嘅係，2個雪糕"不"用個鐡杯裝住，時間耐左鐡杯啲入面水會變成奶白色，有啲核突，如果用好似酒店果隻不停流水换水嘅筒裝住雪糕“不”會好好多
環境:乾淨闊落，完全冇油煙，因為煙向下抽，果日著皮褸去，冇吸到任何煙味
服務: 自助形式，冇乜點接觸職員但起碼有求必應，要求换爐網亦十分樂意，職員仲主動幫我地换曬兩個網(當時只要求换一個)
Post
