Video
Read full review
2018-06-25
2471 views
呢頭食飯真心傷腦筋…間間都排曬長龍咁，最迎排得最勁都莫過於無印側邊呢間砂煲兄弟！如果唔係6點前企定定，就要等下一輪入座啦！今日就等我得正正響度、準時6點「食好西」！未夠6點已經排曬隊啦~一入門口就留意到新開期間要俾cash先~想食既朋友仔記住攞定錢錢啦。D壁畫、陳設同樣都係令人好舒服。雖然餐廳真係好多人、有少少嘈，但係個氣氛好好，真係好似一堆人圍在大排檔食野咁過癮，宣家香港搵呢d地方真係買少見少啦！我坐近廚房位置，因此有幸近距離影到咁懷舊既裝飾品。職員都好nice，無阻止我影相。入正題啦喂！Menu 上面既馬來沙嗲火焰牛仔骨相當吸引，睇張相有火，上到枱真係有火架！！！視覺效果一流唔在講，火的溫度仲令個沙嗲仲香左添。我最欣賞既係d配菜，有洋蔥、青椒，全部都入曬味架！雖然話係牛仔骨，但肉都偏多，好淋無筋，咁既價錢可算相當公道。海味雜菜煲都係非常足料，菇菇應該有先炒香再放落去煮。而菜類都有好多：西蘭花都依然保持翠綠爽口。唯一美中不足係放左魷魚絲，我印象中海味應該係乾左既海鮮，例如蝦乾仔、瑤柱等等，鮮魷魚絲就有少少唔貼題啦。唔夠喉！特我再叫埋小食同甜品先！如果新年食呢個黃金蝦意頭一定好好，正所
呢頭食飯真心傷腦筋…間間都排曬長龍咁，最迎排得最勁都莫過於無印側邊呢間砂煲兄弟！如果唔係6點前企定定，就要等下一輪入座啦！今日就等我得正正響度、準時6點「食好西」！
未夠6點已經排曬隊啦~
一入門口就留意到新開期間要俾cash先~想食既朋友仔記住攞定錢錢啦。
D壁畫、陳設同樣都係令人好舒服。雖然餐廳真係好多人、有少少嘈，但係個氣氛好好，真係好似一堆人圍在大排檔食野咁過癮，宣家香港搵呢d地方真係買少見少啦！
我坐近廚房位置，因此有幸近距離影到咁懷舊既裝飾品。職員都好nice，無阻止我影相。
入正題啦喂！Menu 上面既馬來沙嗲火焰牛仔骨相當吸引，睇張相有火，上到枱真係有火架！！！
視覺效果一流唔在講，火的溫度仲令個沙嗲仲香左添。我最欣賞既係d配菜，有洋蔥、青椒，全部都入曬味架！雖然話係牛仔骨，但肉都偏多，好淋無筋，咁既價錢可算相當公道。
海味雜菜煲都係非常足料，菇菇應該有先炒香再放落去煮。而菜類都有好多：西蘭花都依然保持翠綠爽口。唯一美中不足係放左魷魚絲，我印象中海味應該係乾左既海鮮，例如蝦乾仔、瑤柱等等，鮮魷魚絲就有少少唔貼題啦。
唔夠喉！特我再叫埋小食同甜品先！
如果新年食呢個黃金蝦意頭一定好好，正所謂-「蝦仔碌碌，金銀滿屋」嗎
﹝呢味係返轉頭再食既﹞D蝦好大隻呀，隻隻都有隻半手指咁粗架！入面都起碼有六隻大蝦以上，而且咸蛋漿厚度適中，咬落卜卜脆，唔洗點醬都咁好味。最好野係一D雪味都無，證明係靚蝦。
呢個小食個菜名好長，好似叫咩芥末蜜糖雞翼咁上下…又幾得意wo,通常炸雞翼一係配淮鹽一係就配蜜糖，芥末蜜糖又真係好少見！但原來辣辣地又甜甜地好過癮開胃，而且單骨食落又好方便，如果唔係得兩丁友怕食唔曬一定會叫多碟。
﹝呢味係返轉頭再食既﹞雖然邪惡金沙西多士係在小食類，不過甜，所以我當甜品留到最尾尾先食。枱枱都叫，心諗唔係唔食下話！我從來都未見過西多士係咁樣掛列架，一粒粒疊過好似金字塔咁！死啦，今晚卡嘔理實爆曬標都似，但唔食又對唔住自己！除左個面有榛子同朱古力醬外，入面仲有花生醬呀各位！10000000000個邪惡但又真係100000000000個想食，好彩係甜但唔太heavy,最尾清曬碟！
下次我一定會叫埋班friend食多d煲仔飯同菜><!
Post
