賀天

Open Now

Now Closed

平時最鍾意喺將軍澳發掘餐廳，今次喺海天晉匯發現咗呢間日本餐廳，食物好多元化，而且坐得好舒適。餐廳逢二、四、六，都有串燒買一送一嘅優惠😍😍😍🍖🍊柚子燒日本黑豚肉唔單止買一送一，味道亦係一流！豚肉外脆內嫩，咬落去一啖啖都滿滿肉味，而柚子香氣又好清新，仲有小小鹽燒嘅感覺。🪽日本九州手羽本身一份兩隻，叫嘅時候發現買一送一，就嚟咗四隻，好抵食！金黃酥脆，外面唔油，肉質嫩滑，咬落去即刻有咸香味爆發🍗🍗🥩和風特色四色牛肉四款唔同嘅牛肉，包括西冷、和牛、牛舌同埋牛小排。色彩鮮艷，肉質鮮嫩，自己即場燒，每款都熱辣辣。四款牛肉都各有特色，我特別鍾意牛小排同埋和牛✨我仲叫咗其他嘅刺身、壽司，仲有親子丼，佢嘅食物款式真係好多元化，可以按自己喜好去選擇。