Ocio (東港城) (Closed)

朱古力咖啡嘅朱古力味濃郁，咖啡味唔係好重，朱古力味比較重，甜味多過咖啡苦味。白桃梳打嘅白桃味好香甜，好適合夏天飲。鐵板bbq豬肋骨配焗新薯雜菜好食，豬肋骨肉質鮮嫩而且份量充足，bbq醬汁香甜，焗新薯雜菜尤其係西蘭花幾好食，冇菜澀味。明太子吉列虎蝦海鮮忌廉汁手工意粉，虎蝦肉質爽口，明太子醬汁香濃同個海鮮忌廉汁幾夾，好香同埋幾濃味，手工意粉幾煙韌同埋有少少厚度。水牛城單骨雞翼，雞翼肉質鮮嫩，水牛城醬汁有少少辣但唔係特辣，味道不錯。餐廳位置寛敞，環境舒適，服務態度好，值得推薦。