小野人

將軍澳極低性價比的串燒@小野人一直都好想試依間OpenRice 好評如潮嘅將軍澳串燒，佢貌似行台式style，加上門市睇落乾淨企理，似乎係將軍澳區難得搵到嘅堂食串燒餐牌⋯⋯點知唔試還至可，一試便知奶嘢。首先餐廳內在環境擠逼，枱與枱間基本冇距離，張枱細到放幾碟餸已經滿，所以導致店員要每清一碟先上一碟。同「隔離枱」食客差唔多係搭枱咁，依個價錢，我expect寬敞少少嘅位置。張凳細到連個袋都要放地下⋯⋯串燒平均$50一串，每串份量大概3小件。$50我預期應該個份量多返少少…… 而且唔係特別好味道，好普通，冇咩調味同醬汁，比一般街邊串燒鋪有自製醬汁，我寧願出返街邊食😞 兩個人最後消費共$800+，但一啲都唔飽，直落去左第二間食……好傷心🥲 總括而言，性價比實在太低啦，不能接受，成餐飯好有俾人襟住黎搶嘅感覺。我建議大家如果喺嗰頭，隔離左右仲有好多其他餐廳選擇。 Bible rating: 2/10 📍地址：小野人 (將軍澳)將軍澳澳南海岸唐俊街23號MONTEREY Place地下G25A號舖