漁釧 (將軍澳中心) (Closed)

好耐無行將軍澳中心原來已經翻新完成，開左好多新嘅食店，而我今晚就同朋友試左呢間門口有個大燈籠同店內裝修唔錯嘅居酒屋，店內採用開放式廚房設計，有長bar枱可以比你坐喺度觀賞廚師煮餐嘅廚藝，另外亦有多張2人4人同6人枱，今晚我6點半左右去到攞位，職員安排左一張6人枱比我哋3個，所以坐得幾舒服，而當食物嚟到放晒喺枱時亦因為係大枱原因所以亦唔會有唔夠位枱細嘅情形出現，我目測因為我哋入去時幾張4人枱係有客人所以安排6人枱比我哋，我同朋友其實今晚係為左試佢哋個蒸蠔而嚟，因為我個人覺得蠔除左生食，蒸亦係一個唔錯嘅選擇，我哋坐底叫左飲品後就先叫左半打生蠔，但食落本身蠔個味道都ok嘅但唔夠凍要扣分，跟住我哋再試蒸蠔，職員將石油氣爐連一個四方不銹鋼蒸鍋放喺枱，同一個計時器，同我哋講蠔先蒸3分鐘然後熄火再焗3分鐘就ok，好在蒸蠔無令我失望，好鮮味同埋唔會太細隻，另外我哋再叫左幾款串燒同天婦羅蝦，同一個蟹鍋，蟹鍋係用新鮮活麵包蟹煮，鍋底放入蔬菜原鍋嚟度再煮熟，湯底好鮮甜而蟹當然因為新鮮味道亦都唔錯，而今晚餐廳嘅服務個人覺得都算唔錯，除左基本不停加茶外問佢哋有關餐牌嘅佢哋都回覆好仔細，埋單$九百幾，呢間居酒屋算