茶煲

Open Now

Now Closed

今晚放工入將軍澳寶林探叔婆，我一早叫佢吾好甘辛苦煮飯，同佢落去間酒樓食飯，原來酒樓已冇左，原址間開幾間做不用食店，其中一間叫茶煲，叔婆話早上和中午有茶市，間中也會落去飲茶，晚上就做火鍋放題，因為叔婆說一個人去食火鍋沒興趣，所以今晚希望我陪她試試，於是我們今晚的晚餐就在茶煲食火鍋放題！茶煲放題有分類，當然越貴就越高級，不過叔婆吾食牛，但又想食海鮮，所以選了第二項198元的放題，任食2小時。餐廳地方都算大，整體雅潔。自助區有多款火鍋配料，菇類、蔬菜類、丸類、腸類等。材料新鮮。種類也很多。，一一鍋底亦有好多款選擇，叔婆好傳統，喜歡沙嗲湯底。沙嗲湯底都好濃郁惹味！肉類、海鮮類就要寫紙，由侍應送上。本人特別喜歡虎蝦新鮮彈牙、花膠養顏有口感、雞肉鮮嫩。丹麥豚肉和豚腩片都是薄切，輕輕灼一灼就食得，有口感但不硬，味道鮮美。蝦滑彈牙味道不錯。還有魚柳，魚柳冇骨，肉質嫩滑。多款飲品任飲，雪糕也有多款味道供任食。