馬祖 (將軍澳廣場) (Closed)

一人一鍋，十幾款鍋底揀左唔辣既藥膳花雕清雞湯，另一個係藥膳台灣麻辣湯，仲可以🌶、🌶🌶、🌶🌶🌶之中自選辣度添。點左Prime grade 牛肩胛肉放題套餐 牛肩胛肉切得夠薄，紋理油脂平均，放落藥膳花雕清雞湯幾下已經好吸湯，藥膳味突出又唔蓋過牛味～ 西班牙無激素豬肉片，粉嫩味鮮配料、醬料、飲品喺自助區，食物款式超多，尤其丸類都有十幾款，樣樣夾一粒食都夠。台灣風味既米血糕、芋泥貢丸、墨汁腸、台中福茂貢丸係我既重點之選。肉類有沙茶牛肉，魚片同帶骨雞脾肉。米血糕口感軟糯黏密，伴隨其中米香氣味，掛上麻辣湯汁經已超入味。芫茜燒賣混左芫茜葉餡料，燒賣肉黄中帶綠，烚熱食爆發強勁芫茜香味，仲幾持久芋泥貢丸貢丸滿滿芋泥內餡，外面爽口Q彈，入面綿滑鬆軟，熟後飽滿渾圓，燙燙地好好食黃金蝦仁棗揉合魚漿鮮甜蝦仁，雙重海洋鮮味墨汁腸墨魚囊汁液融入豬肉腸之中，口感爆汁仲有少少胡椒味，墨魚鮮味突出唔多飲凍飲既我，呢度有熱櫃，飲罐黑糖薑母茶好暖胃～ 最後甜品時間Movenpick 雪糕都可以任食，唔似其他放題店只可以食一盒，真係要留肚食多盒😂