Video
Read full review
2021-07-17
264 views
咁啱行過見到開咗新餐廳，睇落唔錯就入左去試～餐牌超級多選擇，兩個人忍唔住叫咗兩個主菜同埋幾個小食🤣火焰芝士肉醬熱狗配沙律 • HKD$46熱狗超級大隻，仲大過隻手掌🤯上面嘅芝士用火燒過，所以聞落好香而且肉醬多得黎又好食～個人幾鍾意佢會加返啲生菜同蕃茄喺熱狗度，而且伴碟亦有配上沙律，感覺多啲蔬菜健康啲👍🏽韓式泡菜金菇豚肉濃湯螺絲粉 • HKD$68呢一個係晚市套餐之一，價錢已經包左一份小食同埋飲品～果然蕃茄濃湯係佢哋嘅招牌，充滿新鮮蕃茄嘅味道，食落酸酸地好開胃😋而且成兜螺絲粉嘅份量都好多，建議細食嘅人記得要叫少麵呀～沙拉汁雞翼 • 跟餐雞翼皮味味地脆，而且包裹住甜甜的沙拉汁，好味😋脆皮鹹豬手 • HKD$60超級驚喜！個皮焗到超脆，但啲肉仲係好嫩🤤同埋佢啲肥膏部分勁香，真係值得推薦👍🏽👍🏽芝士忌廉汁野菌焗西蘭花 • HKD$43呢個係為咗健康啲而點嘅～新鮮嘅西蘭花上面鋪上滿滿嘅芝士忌廉汁☺️本身以為得幾嚿，點知嚟到一大碟，最後食唔晒要打包🤣熱珍珠奶茶 • 跟餐+HKD$10有驚喜，佢個茶底係伯爵茶，所以飲落好香🥰珍珠偏軟，但都有啲咬口嘅～呢間整體都推薦，好食夾大件得黎，價錢又親民👍🏽唯一要
餐牌超級多選擇，兩個人忍唔住叫咗兩個主菜同埋幾個小食🤣
火焰芝士肉醬熱狗配沙律 • HKD$46
熱狗超級大隻，仲大過隻手掌🤯
上面嘅芝士用火燒過，所以聞落好香
而且肉醬多得黎又好食～
個人幾鍾意佢會加返啲生菜同蕃茄喺熱狗度，而且伴碟亦有配上沙律，感覺多啲蔬菜健康啲👍🏽
韓式泡菜金菇豚肉濃湯螺絲粉 • HKD$68
呢一個係晚市套餐之一，價錢已經包左一份小食同埋飲品～
果然蕃茄濃湯係佢哋嘅招牌，充滿新鮮蕃茄嘅味道，食落酸酸地好開胃😋
而且成兜螺絲粉嘅份量都好多，建議細食嘅人記得要叫少麵呀～
沙拉汁雞翼 • 跟餐
雞翼皮味味地脆，而且包裹住甜甜的沙拉汁，好味😋
脆皮鹹豬手 • HKD$60
超級驚喜！
個皮焗到超脆，但啲肉仲係好嫩🤤
同埋佢啲肥膏部分勁香，真係值得推薦👍🏽👍🏽
芝士忌廉汁野菌焗西蘭花 • HKD$43
呢個係為咗健康啲而點嘅～
新鮮嘅西蘭花上面鋪上滿滿嘅芝士忌廉汁☺️
本身以為得幾嚿，點知嚟到一大碟，最後食唔晒要打包🤣
熱珍珠奶茶 • 跟餐+HKD$10
有驚喜，佢個茶底係伯爵茶，所以飲落好香🥰
珍珠偏軟，但都有啲咬口嘅～
呢間整體都推薦，好食夾大件得黎，價錢又親民👍🏽
唯一要注意係食物嘅份量都比較多，所以要小心唔好眼闊肚窄～
Post
